Arta Ahmeti-Xhylani, është kandidate për kryetare të Drenasit nga radhët e AAK-së.

Atë e ka prezantuar kryetari i kësaj partie, Ramush Haradinaj përmes një postimi në Facebook.

Haradinaj ka thënë se Arta është një grua dhe një nënë e suksesshme, juriste me profesion.

Postimi i plotë :
Arta Ahmeti-Xhylani është kandidate e Aleancës për kryetare të komunës së Drenasit.
Një grua dhe një nënë e suksesshme, ajo është juriste me profesion, me përvojë pune në institucione shtetërore e gjithashtu edhe në ndërmarrësi.
Arta ka udhëhequr degën tonë në Drenas, duke u bërë e para kryetare e degës së një partie politike e po ashtu edhe kandidatja e parë grua për kreun e komunës në historinë politike të Drenasit.
Fryma, vullneti e përkushtimi i Artës dhe ekipit të saj që kandidojnë për Kuvendin Komunal, më bën të besoj në suksesin tonë në garën për Drenasin.
Programi i Aleancës për qeverisje me qytetarët, për përkrahje të bizneseve të vogla e të mesme në Drenas si dhe zgjidhja e problemit të ujit të pijshëm dhe kanalizimit, në mes tjerash, janë arsye e fortë se pse Arta dhe ekipi i saj janë meritorët për udhëheqjen e kësaj komune.
Suksese e Fitore!/arbresh.info/