Zëvendëskryeministri i parë i Kosovës, Besnik Bislimi gjatë ditës së sotme është vaksinuar dhe ka bërë thirrje tek të gjithë që të vaksinohen, pasi që sipas tij, vaksinat janë rrugëtimi drejt ringjalljes ekonomike, sociale e kulturore.

Ai përmes një postimi në Facebook, ka njoftuar se dozën e parë të vaksinës AstraZeneca e ka marrë të mërkurën.

“Vaksinat janë rrugëtimi jonë drejt ringjalljes ekonomike, sociale, e kulturore, prandaj sigurohuni që të vaksinoheni sa më shpejtë. Unë e morra dozën e parë të vaksinës AstraZeneca sot dhe jam shumë falenderues ndaj stafit shëndetësor për mundësinë e zgjedhjes si dhe për punën e tyre të palodhshme në luftimin e pandemisë Covid-19. Unë zgjodha AstraZenecan sepse është po aq efektive sa edhe Pfizer, ka shkruar Bislimi në llogarinë e tij në Facebook.

Kujtojmë se vetëm gjatë dy ditëve të fundit në Kosovë janë regjistruar mbi 300 raste të reja të COVID-19./arbresh.info/