Italia dhe Anglia do të përballen të dielën në kuadër të finales së Kampionatit Evropian.

Futbollisti italian Spinazzola nuk do të jetë në gjendje të luajë në këtë ndeshje, shkaku i lëndimit që e pësoi në duelin ndaj Belgjikës, shkruan lajmi.net.

Mbrojtësi ka thënë se do të bëjë tifo për shokët e tij të skuadrës nga tribuna në finalen e së dielës ndaj Anglisë.

“Djemtë më kanë dhënë një mbështetje të pabesueshme pas lëndimit. Ne jemi një ekip i shkëlqyeshëm dhe me të vërtetë ndihemi si një familje”, tha ai.

“Do të jetë një ndeshje shumë e vështirë ndaj Anglisë, veçanërisht në stadiumin e tyre, por duke dëgjuar të gjitha ato brohoritje kundër nesh, ne duhet të marrim motivim shtesë nga to”, shtoi ai.

“ Unë do të jem në tribuna, duke brohoritur me patericat e mia. Nëse Italia do të fitonte, unë do të duhet të kërcej dhe të festoj me të gjithë. Gruaja ime vazhdon të më thotë të jem i kujdesshëm, prandaj shpresoj të hidhem rreth e rrotull në njërën këmbë”, përfundoi Leonardo Spinazzola.