Drejtori sportiv i Juventusit, Federico Cherubini ka thënë se ‘nuk ka pasur asnjë sinjal’ nga Cristiano Ronaldo në lidhje me një largim nga Allianz Stadium.

Juventus po bën ndryshime të mëdha në Continassa këtë verë, dhe presidentin Andrea Agnelli që prezantoi drejtuesit e ri të Zonjës së Vjetër në një konferencë shtypi sot (e enjte).

Maurizio Arrivabene është emëruar drejtor i ri i përgjithshëm i klubit dhe Federico Cherubini ka zëvendësuar Fabio Paraticis si drejtor sportiv i klubit

Një nga historitë më të mëdha të verës është e ardhmja e kapitenit të Portugalisë, Ronaldo, i cili është lidhur me një largim nga Torino.

Por drejtori i ri sportiv, Cherubini, ka thënë se nuk ka asnjë shenjë të një transferimi dhe se Bianconerët presin që 36-vjeçari të kthehet pas pushimeve të tij.

“Nuk ka pasur asnjë sinjal nga Ronaldo”, ka thënë fillimisht Cherubini në një konferencë shtypi.

“Sidomos thashethemet se duhet të ketë një transferim dhe nuk ka asnjë shenjë nga Juventus në këtë drejtim”.

“Sezonin e kaluar ai shënoi 36 gola në 44 ndeshje, shifrat nuk thonë gjithmonë gjithçka, por fshehin shumë të vërteta, ne jemi të lumtur që Ronaldo do të bashkohet me ekipin sa më shpejt që të ketë mbaruar pushimet e tij”, përfundoi drejtori sportiv i Juves. /Telegrafi/