Një zyrtart i OKB-së ka deklaruar se është e mundur që rreth 300 migrantë të kenë humbur jetën në përmbysjen e një anije në brigjet e Jemenit.

Koordinatori i Përhershëm dhe Humanitar i Kombeve të Bashkuara David Gressly nuk zbuloi detaje, por besohet se i referohej një incidenti në të cilin deti hodhi trupa në bregdetin e Detit të Kuq të Jemenit pranë Ras al-Arah këtë muaj pasi një anije migrantësh u fundos në brigjet e tij, transmeton portal arbresh.info

“Ne e dimë se ishte një anije që transportonte migrantë dhe që përmbysej, rreth 200 ose 300 njerëz ndoshta ishin zhdukur, ne nuk e dimë numrin,” tha ai.

“Në provincën Saada të Jemenit, përmes së cilës migrantët po përpiqen të kalojnë në Arabinë Saudite, ka rreth 2,000 të burgosur migrantë që kanë nevojë për ndihmë dhe mbështetje”, shtoi Gressly.

Jemeni, vendi më i varfër në Gadishullin Arabik, ka qenë i zhytur në luftë që kur koalicioni i udhëhequr nga Sauditi ndërhyri kundër lëvizjes Houthi në 2015, ndërsa 80 përqind e popullsisë Jemenase mbështetet në ndihmën për mbijetesë./arbresh.info/