Nuk është hera e parë që Shtetet e Bashkuara të Amerikës dhe Rusia organizojnë një samit për të ulur tensionet dhe rikthyer bashkëpunimin.

Derisa takimi po fillonte midis presidentit amerikan, Joe Biden dhe homologut të rij rus, Vladimir Putin, të pranishëm ishin brenda edhe sekretari i shtetit amerikan, Antony Blinken dhe ministri i jashtëm Sergey Lavrov, shkruan bbc transmeton portali arbresh.info

Derisa samiti filloi, të dy udhëheqësit dhanë disa komente të shkurtra.

“Siç thashë edhe jashtë, mendoj se është gjithmonë më mirë të takohemi ballë për ballë”, tha presidenti amerikan Biden.

Në anën tjetër, derisa qëndronte përballë homologut të tij Putin tha se shpresonte që “takimi i tyre do të jetë produktiv”.

Ndryshe, Biden më herët ka paralajmëruar se nuk do të ketë konferencë të përbashkët për gazetarëve, dhe tani kjo është konfirmuar. /arbresh.info/