Presidenti i SHBA-së, Joe Biden, ka theksuar se ai pati një “takim shumë të mirë” me homologun e tij turk, Recep Tayyip Erdoğan.

Komentet e presidentit Biden vijnë pas takimeve midis delegacioneve turke dhe amerikane, që filluan pas bisedës dypalëshe të presidentëve të SHBA-së dhe Turqisë.

Takimi Biden-Erdoğan, që u mbajt në selinë e NATO-s në Bruksel, zgjati rreth 45 minuta. Tdy liderët u takuan për herë të parë që kur Biden mori detyrën në muajin janar.

Krerët e NATO-s kanë zhvilluar takime dypalëshe në margjinat e samitit që filloi sot në Bruksel.

Para takimit me presidentin Biden, presidenti Erdoğan në margjinat e samitit të NATO-s po ashtu takoi liderë të tjerë botërorë, përfshirë kancelaren gjermane, Angela Merkel, presidentin francez, Emmanuel Macron dhe kryeministrin britanik, Boris Johnson./AA/