Trajneri i Danimarkës: Nuk mund të luani ndeshjen me ndjenja të tilla

23:51 | 12 Qershor 2021
Arditë Shkodra

Ndeshja e Kampionatit Evropian mes Danimarkës dhe Finlandës u ndërpre në fund të pjesës së parë, pasi Christian Eriksen u shtri pa ndjenja në fushë pas sulmit kardiak që pësoi. Por, fatmirësisht ai është jashtë rrezikut për jetë.

Më pas ndeshja u pezullua për rreth dy orë, për të vazhduar pastaj aty ku kishte mbetur.

Kjo u vlerësua si e çuditshme nga shumë njerëz, por trajneri i Danimarkës, Kasper Hjulmand tregoi se çfarë kishte ndodhur në dhomat e zhveshjes.

“Ne kishim dy mundësi për të luajtur ndeshjen sot ose nesër në 12:00 dhe të gjithë ranë dakord të luanin sot. Ju nuk mund të luani një lojë me ndjenja të tilla. Ne u përpoqëm të fitonim. Ishte e pabesueshme që ata arritën të dilnin dhe të përpiqeshin të luaj pjesën e dytë” – tha Hjulmand.