Eksperti mjekoligjor, Naim Uka, thotë se kishte temperaturë dhe dhimbje të nyjave pas vaksinimit, pavarësisht kësaj ai bën thirrje që të merret vaksina, shkruan arbresh.info.

“Pas 8-12 orëve, te dy nga të vaksionuarit kanë filluar reaksionet e para në formë të temperaturës dhe etheve. Tek unë, përdorimi i paracetamolit prej 8 orësh, kaloi në çdo 6 orë. Megjithatë, gjatë natës së parë temperatura dhe ethet vazhduan deri në mëngjes”, shkruan Uka në Facebook.

Ai shton se edhe gjatë ditës së parë një gjendje e tillë me temperaturë dhe ethe vazhdoi deri në mbrëmje, kur këtyre simptomave iu shtuan edhe dhimbjet në nyjet trupore.

“Nata e dytë ishte e shoqëruar me këto simptoma duke iu shtuar edhe djersitja. Tri nënmaica i ndërrova si rezultat i djersitjes. Ditën e tretë më shoqëroi plogështia e përgjithshme, me temperaturë në rënie dhe ethe në minimum”, shkruan Uka.

Në mbrëmjen e ditës së tretë, Uka thotë se djersitja ishte simptomatologjia e fundit, e cila e shoqëroi duke u bindur se tani përveç vetes time kam siguruar familjen time të ngushtë dhe të gjerë, rrethin tim shoqëror dhe këdo tjetër që do të ketë kontakt me atë./arbresh.info/