Reagon edhe Ministri i Sportit të Kosovës pas fitores ndaj Lituanisë

11:08 | 25 Mars 2021
Arditë Shkodra

Kosova ka fituar me spektakël mbrëmë (e mërkurë) ndaj Lituanisë, me rezultat 4-0 dhe për këtë ka pasur një reagim nga Ministri i Kulturës, Rinisë dhe Sportit.

Arbër Zeneli ishte lojtari më i mirë i ndeshjes duke shënuar dy gola në këtë ndeshje, shkruan lajmi.net.

Dy gola të tjerë u shënuan nga Vedat Muriqi dhe Besar Halimi, për të marrë kështu fitoren e radhës.

Hajrulla Çeku, Ministri i ri i Kulturës, Rinisë dhe Sportit reagoi në rrjetin e tij social në twitter duke thënë: “Lojë e bukur, fitore e merituar e ambasadorëve tanë. Vazhdojmë me betejat dhe sukseset e radhës”.

‘Dardanët’ do të luajnë ndeshjen e tyre të radhës ndaj Suedisë më 28 mars, për të udhëtuar më pas në Sevilla për përballjen me Spanjën.

Lojë e bukur, fitore e merituar e ambasadorëve tanë. Vazhdojmë me betejat dhe sukseset e radhës.
???? https://t.co/oruhXekuBY

— hajrulla çeku (@HCeku) March 25, 2021