Më parë, mbreti Carl XVI Gustaf bëri bujë me një deklaratë ku tha se Suedia ka “dështuar” për të adresuar në mënyrë adekuate pandeminë dhe se njerëzit e saj kanë “vuajtur tmerrësisht” dhe kanë humbur shumë jetë.

Princesha suedeze e Kurorës Victoria dhe Princi Daniel kanë rezultuar pozitive për me koronavirus, transmeton portali arbresh.info

Pavarësisht nga rrethanat, çifti mbretëror është mirë dhe aktualisht është në karantinë në shtëpinë e tyre në Kështjellën Haga, njoftoi gazeta Aftonbladet.

“Princesha e Kurorës kishte simptomat e një ftohje të butë dhe mori masa paraprake dhe më pas u testua”, thanë zyrtarët e Familjes Mbretërore në Suedi.

Gjurmimi i infeksionit ka filluar nën mbikëqyrjen e mjekut të familjes. Personat që rrethojnë çiftin tashmë janë testuar, por asnjëri prej tyre nuk ka rezultuar pozitiv. Princesha e Kurorës Victoria dhe Princi Daniel nuk kanë takuar askënd tjetër nga familja mbretërore ditët e fundit.

E gjithë pjesëmarrja në ngjarje publike në të ardhmen e afërt, përfshirë shërbimin përkujtimor COVID-19 në Kishën Drottningholmen, është anuluar. Sidoqoftë, çifti tashmë merret me shumë nga detyrat e tyre dixhitalisht dhe do të vazhdojë ta bëjë këtë.

Tani e gjithë familja, duke përfshirë Princeshën Estelle dhe Princin Oskar, është në karantinë në kështjellën Haga.

Mbreti dhe Mbretëresha u vaksinuan kundër koronavirusit në mes të janarit.

Suedia aktualisht ka më shumë raste të infeksioneve dhe vdekje për shkak të Covid-19 më shumë se sa të fqinjët e saj nordikë./arbresh.info/