Ish i dërguari i Shteteve të Bashkuara të Amerikës për dialogun Kosovë-Serbi, Richard Grenell, i ka reaguar diplomatit gjerman, Wolfgang Ischinger, ku ky i fundit i ka thënë Grenellit që të mos ndërhyjë në punët e Kosovës.

Grenelli i ka thënë Ischingerit se e siguron jetesën duke dhënë këshilla në politikën e jashtme dhe se i ka dhënë iranianëve dhe rusëve një platformë që nuk e meritojnë.

“Mos i heshni homoseksualët për të marrë pjesë në atë që ju bëni lirisht. Është homofobike”, ka shkruar Grenell në Twitter.

Ai gjithashtu ka thënë se ndjehet i lumtur ta krahasojë progresin e tij me atë të Ischingerit.

Grenelli dhe Ischingeri kishin pasur përplasje përmes Twitterit edhe më parë lidhur me zhvillimet politike në Kosovë.

“Ric, sinqerisht: boll u përpoqe të ndërhysh. Mjaft dëme janë shkaktuar. Mandati yt ka skaduar. Lërja Kosovën popullit të Kosovës”, kishte shkruar Ischinger në Twitter.