Ditëve të fundit në Kosovë është shënuar rritje e numrit të rasteve me koronavirus.

Kjo ka bërë që institucionet shëndetësore të bëjnë thirrje për zbatim sa më rigoroz të masave kundër përhapjes së COVID-19.

Që nga fillimi i pandemisë në Kosovë janë konfirmuar gjithsej 68 mijë e 777 raste pozitive me koronavirus, nga gjithsej 303 mijë e 652 testime.

Ndërkaq, 1 mijë e 595 persona nuk ia kanë arritur ta përballojnë infeksionin. Gjithsej, janë shëruar 59 mijë e 643 persona.

Numri i rasteve aktive aktualisht është 7 mijë e 539.

Vlen të theksohet se kryeministri Hoti bashkë me ministrin Zemaj kanë pasur takim me akterë të shëndetësisë. Aty është vlerësuar se nevojiten masa më shtrënguese dhe zbatim strik i tyre.

Theks i veçantë është vendosur tek tubimet të cilat po konsiderohen si vatër e përhapjes së COVID-19. /Arbresh.info/

Mbi 1 mijë e 500 të vdekur në Kosovë deri sot prej koronavirusit – Arbresh.info