Erxhan Galushi lideri i Lëvizjes Përparimtare të Romëve të Kosovës, LPRK, ka reaguar rreth zgjedhjeve të 14 shkurtit.

Ai thotë se Iniciativa Qytetare Rome “I Romani Iniciativa”, ka arritur që për herë  të  parë ti sigurojë dy ulëse në Parlamentin e Republikës së Kosovës, sipas tij nuk do t’i kishte asnjëherë pa ndihmën e Listës Srpska, raorton arbresh.info

Galushi thotë se, mund të konstatohet se I Romani Iniciativa në fakt është  Lista Srpska.

Ai pret që  institucioneve e drejtësisë të merren me këtë, dhe në rast se një gjë e tillë kalon pa u dënuar, atëherë ekziston rreziku qe në zgjedhjet e ardhshme Lista Srpska të krijon edhe parti tjera të komuniteteve pakicë  me qëllim të uzurpimit të sa më shumë ulëseve në Parlamentin e Republikës së Kosovës.

Ky është postimi i plotë i tij:

UZURPIMI I VENDEVE TË GARANTUARA NGA LISTA SRPSKA

Në zgjedhjet e parakohshme parlamentare të  Republikës së Kosovës, me 14 shkurt 2021, Iniciativa Qytetare Rome “I Romani Iniciativa” nga Graçanica, ka arritur që  për herë  të  pare  që  gjatë  kandidimit të  saj në zdhedhjet nacionale të siguroj një  numër të konsiderushëm të votave, madje trefishin e votave nga tre subjektet politike tjera rome gjë që ia mundeson dy ulëse në Parlamentin e Republikës së Kosovës.

Gjatë procesimit të rezultateve  preliminare, vërehët qartë se këto vota “RI” nuk do t’i kishte asnjëherë pa ndihmen e Listës Srpska, ashtu siç kanë paralajmeruar edhe vet ata që do t’i ‘’ndihmojnë’’ komunitetet; boshnjak, rom dhe goran.

Prandaj, fare lehtë mund të konstatohet se I Romani Iniciativa në fakt është  Lista Srpska!

Ky precedent i rrëzikshem duhet të ndalet menjëherë.

Mirëpres reagimin e të gjitha instiutucioneve të drejtësisë së bashku me të gjitha misionet diplomatike në Republikën e Kosovës.

Ne rast se një gjë e tillë kalon pa u dënuar, atëherë ekziston rreziku qe në zgjedhjet e ardhshme Lista Srpska të krijon edhe parti tjera të komuniteteve pakicë  me qëllim të uzurpimit të sa më shumë ulëseve në Parlamentin e Republikës së Kosovës.

Me këtë veprim është atakuar vota e lirë si dhe  vullneti i perfaqësimit të komunitetit Rom në Paralamentin e Republikës së Kosovës.

Kjo do të thotë tëntim manipulimi që përmes vullnetit të komuniteteve jo-rom të perfaqesohet komuniteti rom. Krejtesisht e pa drejtë dhe jokushtetuese!

Në tërësi eshte atakuar rendi kushtetues i vendit.

Nje Iniciativ e tillë asesi nuk mund të paraqet vullnetin e plot dhe të garantuar për qytatarët e komunitetit Rom.

Matësi më i mirë tregues për një gjë të tillë është  mënyra e sigurimit të votave të kontrabanduara  gjatë  zgjedhjeve të 14 shkurtit.

Në komunat me shumicë serbe, madje edhe 100% serbe, “I Romani Inicitiva”, ka arritur të kontrabandoj  një numër të konsiderushëm të votave, si në vijim:

– Novobërdë 215 vota

– Lleposaviq 244 vota dhe

– Ranillug 199 vota

Një numër të dyshimtë të votave ka arritur të marr edhe në Mitrovicën e Veriut, Partesh dhe  Kllokot. Themi të drejtën, komplet procesi zgjedhor lidhur me Romani Iniciativën është i dyshuar.

Prandaj, ne, Levizja Përparimtare e Romëve të Kosovës-LPRK, jemi në pritjen e publikimit të rezultateve finale nga KQZ dhe pastaj do te ndërmarrim veprime  tjera procedurale sipas ligjeve në fuqi./arbresh.info/