Kjo ditë, më e rëndësishmja në historinë tonë, është sublimim i aspiratave dhe idealeve shekullore për shtetin tonë.

Kështu ka shkruar në një postim në facebook, Ministri në detyrë i Punëve të Brendshme, Agim Veliu, raporton arbresh.info

Me rastin  13 vjetorit të Pavarësisë së Kosovës, Veliu ka shpërndarë një foto ku ai nënshkruan deklaratën  Pavarësisë së Kosovës.

Postimi i plotë:

Shteti ynë, Kosova sot shënon 13-vjetorin e Pavarësisë. Kjo ditë, më e rëndësishmja në historinë tonë, është sublimim i aspiratave dhe idealeve shekullore për shtetin tonë.

Liria që gëzojmë sot erdhi si rezultat i përpjekjeve, sakrificave të shumë brezave, luftës sonë çlirimtare dhe përkrahjes së aleatëve tanë.

Në këtë ditë kujtojmë dëshmorët dhe të gjithë ata që u flijuan për lirinë tonë.

Kujtojmë arkitektin dhe ikonën e pavarësisë, presidentin Historik Dr.Ibrahim Rugova, i cili e bëri realitet vizionin për Kosovën shtet sovran, të lirë e demokratik.

Urime Dita e Pavarësisë!

Zoti e bekoftë Kosovën dhe popullin e saj!/arbresh.info/