SH.B.A. është zotuar të “mbajë përgjegjës ata që janë fajtor” për sulmin me raketa të hënën në rajonin Kurdistan të Irakut që vrau një kontraktor civil.

Një anëtar i shërbimit amerikan dhe pesë kontraktorë të tjerë u plagosën kur raketat goditën vendet në qytetin Irbil, duke përfshirë një bazë të përdorur nga koalicioni i udhëhequr nga SH.B.A.

Në një deklaratë, Sekretari i Shtetit Antony Blinken tha se Uashingtoni ishte “i zemëruar” nga sulmi.

Një grup i panjohur më parë pro-iranian tha se nisi sulmin.

Brigada e Gardianëve të Gjakut tha se kishte shënjestruar “pushtimin Amerikan”, raportoi Washington Post.

Kontraktorët e vrarë dhe të plagosur besohet se të gjithë janë shtetas të huaj.

Autoritetet lokale kurde thanë se tre persona në Irbil u plagosën gjithashtu, një është në gjendje kritike.

Aeroporti i qytetit u mbyll pas sulmit, transmeton arbresh.info.

Presidenti irakian Barham Salih tha se ishte një “sulm kriminal terrorist”, duke paralajmëruar një “përshkallëzim të rrezikshëm” në rajonin e paqëndrueshëm.

Ky mendohet të jetë sulmi i parë me raketa ndaj një pike perëndimore në Irak që kur Presidenti i SHBA Joe Biden mori detyrën muajin e kaluar./arbresh.info/