Kosova dhe Izraeli sot kanë nënshkruar marrëveshje për vendosjen e marrëdhënieve diplomatike me Izraelin.

Pjesë e kësaj ceremonie ishte edhe kryeministri në detyrë Avdullah Hoti i cili më pas në një konferencë të përbashkët për medie me Ministren e Jashtme të Kosovës, Meliza Haradinaj, tha se me këtë nënshkrim Kosova ka thyer bllokadën për njohje, raporton arbresh.info

Ai po ashtu ka thënë se një marrëveshje e tillë i nxori gabim të gjithë kritikët që nuk i besuan dhe e kritikuan njohjen nga Izareli.

“Ne kemi thyer bllokadën e njohjeve për Kosovën, përgëzojmë MPJ. Falënderojmë dy administratat amerikanë për mbështetje. Shteti i Kosovës konsolidohet më tutje në arenën ndërkombëtare me miq dhe në Lindjen e Mesme falë mbështetjes nga SHBA. Konkretizimi që bëmë sot, tregon qartë për efektin dhe rendësin që ka marrëveshja e 4 shtatorit dhe i nxjerrë plotësisht gabim të gjithë ata kritik që e kanë kritiku dhe mos e pranu njohjen nga Shteti Izraelit, që ka ndodhur në Shtëpinë e Bardhë”, tha Hoti./arbresh.info/