Kreu i AKR-së Behgjet Pacolli ka takur sot përfaqësuesit e Odës së Hotelerisë së Kosovës.

Pacolli përmes një postimi në facebook, shkruan se Sektori i Hotelerisë ka pësuar dëme të mëdha vitin e fundit për shkak të pandemisë, raporton arbresh.info

Ai shkruan se, AKR e ka tashmë programin që ofron në detaje një rrugëzgjidhje për bizneset kosovare – si për kompensimin e tyre, ashtu edhe për zhvillimin e mëtutjeshëm.

Ky është postimi i plotë i tij:

Bashkë me kandidatët për deputetë të AKR-së kemi zhvilluar një takim të vyer me përfaqësuesit e Odës së Hotelerisë së Kosovës.

Sektori i Hotelerisë ka pësuar dëme të mëdha vitin e fundit për shkak të pandemisë dhe mosdijes së pushtetit për të hartuar politika të duhura për mbrojtjen e tyre.

AKR e ka tashmë programin që ofron në detaje një rrugëzgjidhje për bizneset kosovare – si për kompensimin e tyre, ashtu edhe për zhvillimin e mëtutjeshëm./arbresh.info/