Trepça ka shënuar fitore ndaj Sigal Prishtinës në udhëtim me rezultat 75:79 (14:15, 22:21, 17:22, 22:21), në kuadër të javës së 16-të të Superligës së Kosovës në basketboll

Pas kësaj fitoreje kanë reaguar edhe vetë klubi i Trepçës, të cilët me një fotografi kanë bërë një dedikim për presidentin e klubit të tyre.

Ata kanë pozuar me disa fanella në të cilat kishin të shkruar: “Për ty Kryetar”!

Kjo aludonte në Kryetarin e Klubit, Vullnet Sefaja, i cili u angazhua në KB Trepça si Kryetar gjatë vitit të kaluar.

Ndryshe, ndeshja KB Prishtina-KB Trepça ishte shumë interesante nga fillimi deri në fund.

Çereku i parë ishte i baraspeshuar dhe përfundon 14:15 në të mirë të mysafirëve. Edhe periudha e dytë ishte mjaft e barabartë dhe përfundon 22:21 për vendasit dhe skuadrat shkuan në pushim me shifrat 36:36.

Bardhekaltrit e filluan më mirë periodën e tretë, duke pasur epërsi në shtatë pikë, 47:40, por mitrovicasit nuk dorëzohen dhe kalojnë në epërsi 49:52, kurse rezultati në semafor pas 30 minutash ishte 43:48.

10 minutat e fundit ishin mjaft dramatike. Trepça kishte epërsi deri në 17 pikë, 57:74, por prishtinasi me një seri prej 18:0, kalojnë në epërsi 75:74. Koljeviq me pesë pikë në fund ishte vendimtar dhe hero në fund, ku Trepça triumfon në fund 75:79. Tani të dy skuadrat kanë nga katër fitore dhe 12 humbje.

Te Sigal Prishtina u dalluan Daniel Lekndreaj me 31 pikë e gjashtë kërcime, kurse te Trepça më i miri ishte Ivan Koljeviq me 21 pikë e gjashtë kërcime. /GazetaExpress/