Pasi Ushtruesja e detyrës së presidentes, Vjosa Osmani ka marrë vendim që më 14 shkurt të mbahen zgjedhjet e jashtëzakonshme, ka reaguar ish- shefi i Grupit Parlamentar të Lidhjes Demokratike të Kosovës, Arben Gashi.

Gashi tha se partia që ai përfaqëson e ka mbrojtur shtetin.

“E mbrojtëm shtetin, tash po e shihni pse! LDK”, ka shkruar Gashi në Facebook.

Ish-shefi i Grupit Parlamentar të LDK-së ka sqaruar më shumë rreth këtij statusi.

Ai tha se është evituar përplasja me administratën e Shteteve të Bashkuara të Amerikës.

“Ka të bëjë me zhvillimet e fundit në vend dhe rajon. Jo vetëm me zgjedhje por edhe me zhvillimet politike. LDK ka mbrojtur shtetin duke shmangur përplasjen me administratën e SHBA-ve. LDK ka sakrifikuar në reputacionin në popull. Prandaj, shkuarja në zgjedhje ka qenë opsioni më i mirë i mundshëm”, tha Gashi për Klan Kosova.