Erdin Hashani emërohet trajner i skuadrës së Vjosës

Ish futbollisti i njohur tash trajner Erdin Hashani e ka nisur Vitin e Ri me një post të ri.

Hashani është zyrtarizuar trajner të KF Vjosa.

Lajmin e ka bërë të ditur vetë skuadra nga Shtimja e cila me Hashanin pret suksese në stinorin pranveror. Vjosa garon në Ligën e Dytë ndërsa pozicionohet në vendin e katërt në tabelë me 32 pikë në 15 ndeshje të zhvilluara.

Njoftim i plotë i KF Vjosës

Erdin Hashani merr timonin e flotës së KF. Vjosës.

Të nderuar sportdashës të Komunës së Shtimes dhe më gjerë, ju njoftojmë se KF. Vjosa ka arritur marrëveshje me trajnerin e mirënjohur Erdin Hashani.

Trajneri, analisti i mirënjohur i sportit kosovar z. Erdin Hashani, tash e tutje do ta drejtojë KF. Vjosën, duke besuar në profesionalizmin, përkushtimin e z. Hashanit, shpresojmë që sukseset nuk do të na mungojnë.

Mirë se vjen trajner!

Na priftë e mbara!

BASHKË ËSHTË E MUNDSHME…