Ani pse në media po qarkullon lajmi se Gjykata Kushtetuese tashmë ka vendosur rreth ankesës së Lëvizjes Vetëvendosje rreth ligjshmërisë së votës së deputetit Etem Arifi, dhe se ankesa e VV-së është pranuar, duke çuar kështu vendin në zgjedhje brenda 40 ditëve, nga Vetëvendosje nuk kanë asnjë informacion të tillë.

Deputetët nga Lëvizja Vetëvendosje i kanë thënë arbresh.info se ky subjekt politik nuk ka asnjë informacion nëse Gjykata Kushtetuese ka nxjerrë aktgjykimin për ankesën e këtij subjekti politik lidhur me votën e deputetit, Etem Arifi, e cila ishte vendimtare për krijimin e Qeverisë së drejtuar nga Avdullah Hoti.

Deputeti i Vetëvendosjes, Dimal Basha i tha arbresh.info se ky subjekt politik nuk ka asnjë informacion nëse Gjykata Kushtetuese ka vendosur rreth ligjshmërisë apo jo të votës së deputetit Etem Arifi në votimin e qeverisë Hoti.

”Nuk kemi informacion nëse gjykata ka nxjerr ndonjë vendim, edhe pse do të donim që vendimi të ishte i tillë”, u shpreh Basha për arbresh.info.

Edhe deputeti Fitim Uka, po ashtu deklaroi se nuk ka asnjë informacion nëse Gjykata Kushtetuese tashmë ka vendosur rreth ankesës së VV-së për lidhur me votën e deputetit Arifi.

Uka, tha se edhe pse VV beson shumë se një aktgjykim i tillë do të nxjerrët nga gjykata, ende nuk ka informacion nëse tashmë është vendosur diçka në këtë çështje.

“Jo, nuk kemi ndonjë informacion zyrtar, por presim që me qenë pak a shumë i tillë, çfarë është promovuar në media, nëse eventualisht gjykata vendos ashtu siç do duhej me vendos, ai duhet të jetë vendimi, por ta shohim” u shpreh Uka për arbresh.info./arbresh.info/

LEXO EDHE:

Gjykata Kushtetuese vendos për votën e deputetit Etem Arifi, e çon Kosovën në zgjedhje brenda 40 ditësh? – Arbresh.info