Kryetari i Skenderajt, Bekim Jashari ka folur rreth raportimeve për prishjen e ish-presidentit, Hashim Thaçit me familjen Jasharaj.

Jashari thotë se arsyeja e prishjes së raporteve me Hashim Thaçin është mos sinqeriteti dhe jo burrëria e tij me djalin e Adem Jasharit, Lulëzimin.

“Ne i kemi thënë hapur troç jepni tendera kujt të doni e mos thoni pastaj familja Jashari. Ka pas debat pikërisht unë edhe Luli i Baces Adem me Hashimin në kohën kur është menaxhu kompleksi nga Ministria e Ambientit. Ka pas zana jo kështu jo ashtu. Luli i ka thonë troç mua nuk më intereson kush e merr, por në momentin që unë e nij që këtu lypni 10 përqindshe haraq firmave në qet vend mbi gjakun e tyne harrone që ka me ju shkel këmba në Prekaz. Pastaj ka pas disa të tjerë që nuk dua t’i bëj publike. Ka të bëjë me mos sinqeriteti dhe joburrënia tamon në direkt me Lulin. Tash në kohë kur ai është në Hagë nuk muna me fol diçka të ligë. Burrënia është kur të thom gjithmonë PO PO edhe në fund del JO”,ka thënë Jashari në Debat Plus.