Në orët e mbrëmjes në rrugën “Durmish Asllani” në Prizren janë gjetur dy trupa të pajetë brenda një shtëpie pas të shtënave me armë.

Dyshimet e para janë se bëhet fjalë për një zyrtar policor dhe të bijën, shkruan portali arbresh.info

Vdekja e tyre është konfirmuar në vendin e ngjarjes.

“Me 15.12.2020, pak pas orës 19:00, Policia ka pranuar një informacion se në rrugën “Durmish Asllani” në Prizren, janë dëgjuar të shtëna nga arma e zjarrit. Njësitet kompetente policore, menjëherë i janë përgjigjur vendit të ngjarjes dhe bazuar në informacionet e para, në një shtëpi banimi janë gjetur dy trupa të pa jetë, një M/Kosovar zyrtar policor dhe një F/Kosovare, vdekjen e të cilëve e kanë konfirmuar mjekët kompetent”, konfirmon Baki Kelani, zëdhënës i Policisë së Kosovës.

Në vendin e ngjarjes kanë dalë të gjitha njësitet policore përfshirë forenzikën, ekipet mjekësore dhe prokurorin, të cilët janë duke ekzaminuar vendin e ngjarjes si dhe duke kryer hetime intensive, lidhur me rastin./arbresh.info/