Grupi Ndërministror për të Drejtat e Njeriut mban takim.

Kryeministri i Kosovës, Avdullah Hoti në këtë takim shpalosi angazhimin e Qeverisë për mbrojtjen e të drejtave të njeriut, shkruan arbresh.info.

“Ndihem mirë që Kosova ka bërë progres në sigurimin e të drejtave duke filluar nga ligjet, duke miratuar një pako të plotë të ligjeve që prekin të drejtat e njeriut”, tha ai.

Hoti tha se Qeveria  ka para vetës miratimin e programit për mbrojtjen dhe promovimin e të drejtat e njeriut për vitin 2021-2025.

“Është një dokument strategjik që shihet të jetë katalizator në këtë fushë ku caktohen hapat konkret që duhet të merren për mbrojtjen e të drejtave të njeriut”

Po ashtu Hoti renditi prioritetet e Qeverisë lidhur me këtë fushë.

“Prioritetet e qeverisë do të orientohen në përmirësimin e punës në mënyrë të sistemuar sa i përket mbrojtjen e të drejtave të njeriut, ne monitorimin dhe zbatimin e pakove që lidhen me të drejtat e njeriut, zbatimi i programit për mbrojtjen e të drejtave të njeriut 2021-2025”, tha ai,

Kryeministri theksoi mbrojtjen e personave të margjinalizuara në Kosovës siç janë personat me aftësi te kufizuara ose komunitetet rom e ashkali./arbresh.info/