Një bebe e gjinisë femër ka lindur nga një embrion që ishte ngrirë 27 vjet më parë.

Molly Everette Gibson u lind me 26 tetor nga nëna Tina Gibson, e cila ishte vetëm një vjeçare kur embrioni i vajzës së saj ishte ngrirë më 1992, transmeton portali arbresh.info

Embrioni ishte shkrirë në shkurt dhe u transferua në mitrën e nënës së saj, duke shënuar kohën më të gjatë të regjistruar që një embrion ishte ngrirë para një lindje të suksesshme.

Në një shfaqje të parë të rivalitetit mes motrave, Molly mundi rekordin ekzistues të motrës së saj pasi Emma Wren Gibson lindi në 2017, 24 vjet pasi embrioni i saj ishte ngrirë.

Molly hyri në botë me peshë të shëndetshme prej 3 kilogramëve në tetor për t’u bashkuar me nënën Tina, babanë Ben dhe motrën Emma.

Embrioni i saj ishte ngrirë më 14 tetor 1992 përpara se të shkrihej nga Drejtori i Laboratorit të Qendrës Kombëtare të Dhurimit të Embrioneve & Embriologia Carol Sommerfelt më 10 shkurt të këtij viti.

Embrioni i saj u fut më pas në mitrën e Tinës nga Presidenti dhe Drejtori Mjekësor i NEDC Dr. Jeffrey Keenan dy ditë më vonë në 12 shkurt./arbresh.info/