Donika Kadaj-Bujupi është përplasur me deputetin e Lidhjes Demokratike të Kosovës, Shkëmb Manaj.

Shkak i debatit të tyre është bërë një letër e dërguar në këtë komision ku është bashkangjitur edhe një shkresë nga ish-presidenti i gjyqtarëve të EULEX-it, Malcolm Simmons.

Kadaj e akuzoi Manajn për shkelje të kodit penal.

“Pse e ke mshef shkresën ku thuhet se ka pretendime serioze? Kush të ka thanë me mbajte fshehtë:? Unë nuk jam frikacake si ti, e ke shkelë kodin penal”, tha ajo.

Ndërsa deputetit iu përgjigj asaj që njihen moti kohë.

“Njihemi na mirë, goxha gjatë”, tha ai.

Ish-presidenti i gjyqtarëve të EULEX-it, Malcom Simmons përmes kësaj shkrese pretendon se drejtësia e EULEX-it ka qenë e njëanshme.

“Drejtësia ndërkombëtare në Kosovë nuk ka qenë e paanshme, ka qenë e njëanshme dhe e njëjta është përdorur si isntrument për realizimin e qëllime politike…
Në rast se do të iniciohet rast, i njëjti ka treguar gatishmëri të dëshmoj personalisht para komisionit hetimor që do të konstituohet nga Kuvendi”, thuhet në kërkesë të cilën e lexoj kryetari i Komisionit për Legjislacion, Shkëmb Manaj.