Gjashtë muaj të vështirë e presin Evropën, që është kthyer edhe njëherë në epiqendrën e pandemisë së koronavirusit, paralajmëron Organizata Botërore e Shëndetit (OBSH).

Hans Kluge, drejtori i OBSH-së për Evropën, tha se kontinenti ka regjistruar më shumë se 29 mijë vdekje të reja nga Covid-19 javën që shkoi, transmeton portali arbresh.info

“Kjo i bie një person që vdes çdo 17 sekonda”, tha ai në një konferencë.

Megjithatë, ai tha se rastet e reja ishin në rënie pasi izolimet frenojnë infeksionet.

Ndërsa një valë e dytë e pandemisë u mblodh me ritëm në tetor, shumica e vendeve evropiane rivendosën masa të rrepta kufizuese për të ndaluar përhapjen e sëmundjes.

Deri më tani, Evropa ka parë 15,738,179 infeksione të konfirmuara dhe 354,154 vdekje të atribuuar koronavirusit, me vetëm Amerikën që raporton shifra më të larta në të gjithë rajonin, sipas të dhënave të OBSH.

Një pjesë e madhe e këtyre infeksioneve dhe vdekjeve janë regjistruar në MB, Rusi, Francë, Spanjë, Itali dhe Gjermani. Në Evropë, Mbretëria e Bashkuar ka numrin më të lartë të vdekjeve në 53,870, ndërsa Franca ka numrin më të lartë të rasteve me 2,115,717./arbresh.info/