Ish-ministri i Punëve të Jashtme dhe ish-deputeti, Glauk Konjufca, vlerëson se në bazë të asaj çfarë po bën Gjykata Speciale, ka ndërtuar argumentin se ajo po i ndjekë figurat më të larta të Ushtrisë Çlirimtare të Kosovës.

Ai në një intervistë në Interaktiv të KTV-së, ka thënë se kjo që po ndodh është e frikshme nëse bëhet një krahasim me Serbinë.

“Gjykata Speciale tashmë e ka krijuar bindjen tonë, që qasjen e ka të drejtuar nga strukturat me të larta udhëheqëse të UÇK-së. Kjo nuk është e thënë duke u bazuar në ndonjë dokument, por ky mund të jetë konstatim joni, të cilin ne po e nxjerrim prej veprimeve të Gjykatës Speciale. Ne i shohim veprimet dhe mbi to i ndërtojmë argumentet tona. Dhe argumenti po thotë që sipas të gjitha gjasave, është i drejtuar nga figurat më të larta të UÇK-së. Tash kjo është në kontrast të frikshëm me Serbinë, të cilës askush nuk iu ka qas në këtë nivel”, ka thënë Konjufca.koha.net/