Real Madrid-i ka arkëtuar pikët e plota në shtëpi ndaj Huesca-s, ndeshje e vlefshme për xhiron e tetë të La Liga-s.

“Los Blancos” dominuan ndeshjen nga fillimi, derisa fituan me rezultat bindës 4 – 1, shkruan portali arbresh.info.

Eden Hazard me supergol në minutën e 40-të zhbllokoi rezultatin, derisa pas pesë minutave Karim Benzema dyfishoi shifrat, transmeton portali arbresh.info.

Federico Valverde në minutën e 54-të trefishoi rezultatin, derisa mysafirët ngushtuan epërsinë përmes Ferreiro-s në minutën e 74-të.

Mirëpo, goditjen finale e dha përsëri Benzema në minutën e fundit të ndeshjes pas asistimit të Rodrgyo-s (90′).

Pas kësaj fitore, Real-i rikthehet në kreun e tabelës me 16 pikë, derisa Huesa renditët në pozitën e 18-të me pesë pikë./arbresh.info.