Ambasadorja amerikane në Tiranë, Yuri Kim ka zhvilluar ditën e sotme një takim online me gazetarët pjesëmarrës në Programin Ndërkombëtar të Vizitorëve Udhëheqës në SHBA. Ambasadroja thotë se gazetaria duhet të forchet në Shqipëri, pasi është shtylla bazë e demokracisë.

“Sot Ambasadorja Kim u takua me gazetarë pjesëmarrës në Programin Ndërkombëtar të Vizitorëve Udhëheqës në SHBA. Gjatë bashkëbisedimit të tyre, ajo përsëriti shpresën e saj që gazetaria në Shqipëri të bëhet shtylla e fortë që duhet të jetë në çdo demokraci; duke theksuar edhe rëndësinë që gazetarët të kenë mundësi të jenë të drejtë, të pavarur dhe të guximshëm. Shtetet e Bashkuara mbështesin atë që jeni në gjendje të bëni në pozicionet tuaja. Ne ju mbështesim 100%”,-thuhet në njoftimin e Ambasadës.