Kryeministri Avdullah Hoti ka shkuar për vizitë te Komisioni Rregullativ të Prokurimit Publik.

Avdullah Hoti pas përfundimit të vizitës tha se u dakorduan që të kalojnë në Qeveri ligjin e ri të prokurimit publik.

Hoti tha se në takim biseduan për fazë e dytë të KRPP që ka të bëjë me efikasitetin dhe eliminimin e  dobësive brenda KRPP, raporton portali arbresh.info

“Sot biseduam për fazën e dytë të reformës në KRPP.  Janë rreth 330 milionë euro që kalojnë përmes zyrës së prokurimit dhe ne jemi të interesuar që të qojmë përpara këtë fazë”, tha ai.

“Faza e dytë ka të bëjë me efektivitetin me i eliminu të gjitha dobësitë duke kriju lista të zeza të kompanive ne rast se ato nuk mbahen”

“Është shqetësuese dobësi në procesin e kontratave dhe do të fokusohemi në mbikëqyrjen e kontratave.

“U dakorduam që të kaloj ligji i ri i prokurimit përmes qeverisë e edhe Kuvendit” tha Hoti./arbresh.info/