Ministri i Shëndetësisë, Armend Zemaj, pas takimit me përfaqësues të Këshillit Evropian ka bërë të ditur se është diskutuar për përmirësimin e shërbimeve shëndetësore nëpër burgje.

Përfaqësuesi i dikasterit të Shëndetësisë një gjë të tillë e ka bërë të ditur nëpërmjet një postimi në faqen e tij zyrtare në ‘Facebook’.

Tutje, ai ka rikujtuar edhe vështirësitë e zbatimit të Ligjit për Shëndetin mendor, duke thënë se është në fazë rishikuese.

Postimi i plotë:

“Në takim me përfaqësuesit e Këshillit të Evropës, diskutuam për shërbimin shëndetësor në burgje si dhe ngitjen e cilësisë së shërbimeve shëndetësore në vendet ku personat mbahen pa vullnetin e tyre.

Ministria e Shëndetësisë është në fazën e rishikimit të Ligjit për Shëndetin mendor dhe akteve përcjellëse duke qenë se ky ligj ka qenë vështirë i zbatueshëm.

Bashkpunimi dhe rekomandimet nga ana e Këshillit të Evropës, janë të mirëseardhura për të ngritur cilësinë e përkujdesjes shëndetësore për personat që mbahen në institucionet shëndetësore apo korrektuese pa vullnetin e tyre”. /