Ministri i Ministrisë së Punëve të Brendshme, z. Agim Veliu ka zhvilluar sot një bisedë telefonike, me Ministrin e Punëve të Brendshme të Republikës së Turqisë,  z. Suleyman Soylu.

Veliu falënderoi homologun e tij turk, për përkrahjen që Republika e Turqisë i ka ofurar Republikës së Kosovës, në veqanti Ministrisë së Punëve të Brendshme dhe Policisë së Kosovës në ngritjen e kapaciteteve të tyre, transmeton arbresh.info

Me theks të veçantë u diskutua për  menaxhimin e situatës me pandemisë COVID- 19 për të dyja vendet dhe masat e ndërmarra për parandalimin dhe luftimin e saj.

Gjatë bisedesës, ministrat diskutuan edhe për bashkëpunimin ndër-shtetërore mes dy vendeve sa i përket fushës së sigurisë dhe sigurimit të mbështetjes së Turqisë në avancimin e mekanizmave të sigurisë.  Poashtu u diskutua edhe për lëvizjet migratore që po përdorin territorin e Republikës së Turqisë dhe përmes korridoreve tjera po arrijnë në Kosovë.

Ministri i Punëve të Brendshme i Republikës së Turqisë,  z. Suleyman Soylu theksoi kontributin dhe punën e Ministrit Veliu dhe Qeverisë së Kosovës si kontribues i stabilitetit të qëndrueshëm në rajon./arbresh.info/