Lajmi i fundit: Zeneli, Berisha dhe Zhegrova mungojnë kundër Greqisë, konfirmohet nga FFK-ja

11:30 | 13 Tetor 2020
Arbresh Info

Kombëtarja e Kosovës ka konfirmuar se niset për Athinë, ku do përballet me Greqinë në kuadër të grupit C së Ligës së Kombeve.

FFK-ja ka konfirmuar se në këtë përballje do mungojnë treshja Valon Berisha, Arbër Zeneli dhe Edon Zhegrova, që pas testimeve u konstatua se nuk janë në gjendje të luajnë, shkruan portali arbresh.info.

Njoftimi i plotë:

“Kombëtarja e Kosovës është nisur sot për në Athinë, ku të mërkurën do të luajë kundër Greqisë në kuadër të Ligës C të Ligës së Kombeve. Me ekspeditën e Dardanëve nuk udhëtuan Valon Berisha, Arbër Zeneli dhe Edon Zhegrova, për të cilët pas ekzaminimeve mjekësore në mëngjes u konstatua se nuk janë në gjendje të luajnë në ndeshjen kundër Greqisë. Kombëtarja e Kosovës, sonte, në orën 18:00 sipas orës lokale do ta mbajë stërvitjen në Athinë”, ka shkruar FFK.

Përballja me Greqinë zhvillohet nesër dhe nis në ora 18:00./arbresh.info.