Ish kryeministri i Libanit, Saad Hariri ka thënë se ishte kandidat i mundshëm për të kryesuar qeverinë e re për të parandaluar rrënimin ekonomik pas shpërthimit masiv në port.

Presidenti francez Emmanuel Macron muajin e kaluar nxori një premtim nga të gjitha palët politike në ish-protektoratin francez për të mbështetur formimin e shpejtë të qeverisë si pjesë e një harte rrugore nga kriza, por përpjekjet deri më tani kanë dështuar.

Macron ka thënë se një kabinet me reforma ishte thelbësor nëse ndihma do të derdhej për të rindërtuar vendin.

“Unë jam padyshim një kandidat” për të kryesuar qeverinë e ardhshme, tha Hariri gjatë një interviste drejtpërdrejt në kanalin televiziv MTV.

“Unë nuk do ta mbyll derën e shpresës së vetme që i mbetet Libanit për të ndaluar këtë kolaps”, tha ai.

Vendi është zhytur në krizën e tij më të keqe ekonomike në dekada, dhe ende po dridhet nga një shpërthim shkatërrues në Bejrut më 4 gusht.

Shpërthimi i një rezerve masive me nitrat amoni në portin e vetëm të Bejrut vrau rreth 200 njerëz, plagosën mijëra të tjerë dhe shkatërruan ndërtesa në lagjet e banuara përreth, duke lënë të paktën 300,000 njerëz të pastrehë.

Presidenti Michel Aoun do të mbajë konsultime parlamentare mbi emërimin e një kryeministri të ri të enjten e javës së ardhshme./arbresh.info/