Sot në Tiranë është duke u mbajtur mbledhja e përbashkët e Qeverisë së Kosovës dhe asaj të Shqipërisë, raporton arbresh.info.

Kryeministri Edi Rama vlerësoi një përparim për Kosovën në rrafshin diplomatik duke përgëzuar qëndrimin e kryeministrit Hoti për dialogun Kosovë- Serbi, ndërsa thumboi qasjen e dy ish-kryeministrave Ramush Haradinaj dhe Albin Kurti të cilët  siç tha ai krijuan një krisje te made.

Edi Rama: “Takimi I Ëashigtonit, rihapja e dialogut me ndërmjetësimin e BE-së me Serbinë, përparimi në agjendën e reformave europiane. Theksoj qasjen e mençur kurajoze dhe konstruktive të qeverisë së Kosovës në dialogun me Serbinë në një koordinim të zgjuar me partnerët strategjikë të Kosovës, SHBA e BE, duke hequr çdo pengesë për rinisjen e dialogut që koha dhe faktet treguan se ishte pengesë që Kosova fatkeqësisht ia vuri vetvetes.

Dialogu mbetet i vetmi instrument për të fituar çështjen e shtruar për zgjidhje çdo bishtnim nga dialogu krijon vetëm fitore iluzore në rrjetet sociale dhe në mexhelisin mediatik lokal por e largon fitoren reale dhe dobëson pozicionin e Kosovës qoftë së brendshmi në raport me vetveten dhe qoftë së jashtmi në raport me botën. Konsensusi I brendshëm sa I takon dialogut në funksionin të forcimit të pozitave të Kosovës është domosdoshmëri që uroj e shpresoj të mbetet tek të gjithë ata që e garantojnë sot këtë konsensus.

Sot kemi para syve qoftë pasojat e ndërmarrjes së rrugëve pa rrugë qoftë dhe rezultatet e ndërmarrjes së rrugëve me prespektivë. Në shumë pak kohë u arrit të restaurojë një krisje shumë e madhe që pati pasoja jo të vogla mbi Kosovën dhe u arrit një hap që cdo ditë që kalon do flasë gjithmonë e më mirë në Ëashginton.“