Walt Disney ka njoftuar se do të heqë nga puna të paktën 28 mijë punonjës, shumica prej tyre në parqet e aventurave në SHBA.

Disney ka cituar kufizimet e kapacitetit të vizitorëve dhe pasiguritë sa i përket kohëzgjatjes së pandemisë si arsye për shkurtimin e vendeve të punës, transmeton portali arbresh.info.

Parqet e aventurave të kompanisë janë goditur rëndë nga pandemia.

Disney mbylli të gjitha parqet e saj në fillim të këtij viti ndërsa virusi u përhap, por vetëm Disneyland në Kaliforni mbetet i mbyllur.

“Ne kemi marrë vendimin shumë të vështirë për të filluar procesin e zvogëlimit të fuqisë sonë punëtore në segmentin tonë të Parqeve, Përvojave dhe Produkteve në të gjitha nivelet”, tha në një deklaratë Josh D’Amaro, kryetari i njësisë së parqeve.

Pushimet nga puna zbatohen për “punonjësit e brendshëm”, nga të cilët rreth 67% janë me kohë të pjesshme.

Disney gjithashtu ka parqe në Shangai, Hong Kong, Tokio dhe Paris, të cilat nuk preken nga njoftimi.

Hong Kong Disney u rihap javën e kaluar pasi u mbyll për herë të dytë në korrik për shkak të një rritjeje të rasteve të Covid-19.

Me përjashtim të Disneyland në Kaliforni, të gjitha parqet e ndërmarrjes tani janë rihapur, megjithëse numri i vizitorëve është i kufizuar për të lejuar distancën shoqërore./arbresh.info/