Një zyrtar i Koresë së Jugut është qëlluar për vdekje dhe djegur nga trupat e Koresë së Veriut, tha ministria e mbrojtjes e Jugut, duke e dënuar aktin brutal.

Seuli tha se burri , i cili punonte për departamentin e peshkatarisë, u zhduk nga një anije patrullimi në afërsi të kufirit dhe u gjet më vonë në ujërat e Veriut, transmeton portali arbresh.info.

Ushtarët veri-koreanë e qëlluan atë dhe më pas e dogjën me karburant, tha ministria. Besohet të ketë qenë një masë anti-koronavirus.

Pheniani nuk ka komentuar deklaratën.

Kufiri midis Koreve policohet fort, dhe Veriu mendohet të ketë një politikë “të qëllosh për të vrarë” për të parandaluar hyrjen e Covid-19 në vend.

Incidenti do të ishte hera e dytë që trupat e Koresë së Veriut kanë qëlluar dhe vrarë një civil të Koresë së Jugut. Në korrik 2008, një turist u qëllua nga një ushtar në malin Kumgang./arbresh.info/