Trajneri Antonio Conte, ka kërkuar nga Inter-i transferimin e mesfushorit N’Golo Kante nga Chelsea, derisa skuadra italiane shpreson ta huazojë me obligim blerje për 50 milionë euro.

“Neurazurët” kanë hequr dorë nga ylli i Brescia-s, Sandro Tonali, andaj janë duke punuar që të realizojnë transferimin e francezit, transmeton portali arbresh.info.

Inter-i është i fokusuar në lojtarët me më eksperiencë siç është Vidal i Barcelonës dhe Ndombele i Tottenham-it.

Mirëpo, tekniku italian ka kërkuar transferimin e Kante-s, i cili kohën e fundit ka humbur pozitën të gjiganti anglez dhe është i lirë të largohet për çmimin e duhur.

Thuhet se Chelsea kërkon rreth 50 milionë euro, kurse Inter është duke provuar ta huazojë me mundësi ose obligim blerje.

Ata gjithashtu duhet t’i rrisin fundet dhe këtë shpresojnë ta realizojnë përmes shitjeve të Roberto Gagliardini, Matias Vecino, Marcelo Brozovic dhe Christian Eriksen./arbresh.info.