Disa policë të plagosur nga të shtëna me armë në Teksas

01:41 | 17 Gusht 2020
Trina Galanxhi

Disa policë janë plagosur nga të shtënat me armë në Cedar Park në Teksas, është njoftuar nga Policia e Teksasit.

Policët i kanë kërkuar banorëve të evitojnë rrugën “Bagdad”, në jug të shkollës së lartë Leander, për shkak të situatës që po zhvillohet.

“Ne jemi në skenën e të shtënave ku disa policë të Cedar Park janë qëlluar me armë ndërsa i janë përgjigjur një telefonate në shtëpi të Natalie Covet”, është njoftuar nga Policia e Cedar Park në Twitter. “Sulmuesi është mbyllur në shtëpi dhe forcat e rendit janë në vendin e ngjarjes”.

Një gazetar i Fox News ka njoftuar se së paku tri ambulanca janë parë në vendin e ngjarjes dhe njësiti i forcave speciale S}AT.

Cedar Park është shtëpi e rreth 80 mijë banorëve./koha.net/