Danimarka kërkon përdorimin e detyrueshëm të maskave mbrojtëse në transportin publik

17:00 | 15 Gusht 2020
Arbresh.info

Danimarka do të bëjë të detyrueshëm përdorimin e maskave mbrojtëse në të gjithë transportin publik, tha sot kryeministrja daneze Mette Frederiksen.

“Vendimi do të hyjë në fuqi nga 22 gusht”, tha ajo në një konferencë për shtyp.“Ne e bëjmë këtë pasi shkalla e infeksionit po rritet, ndërsa po rritet edhe aktiviteti në shoqëri”, vazhdoi Frederiksen, duke iu referuar rihapjes së vazhdueshme të Danimarkës.Kryeministrja theksoi se qeveria nuk e përjashton zgjerimin e vendimit në zona të tjera publike, siç janë supermarketet.

Benny Engelbrecht, ministër i Transportit, tha se masa do të zbatohej për të gjithë udhëtarët mbi moshën 12 vjeç, si edhe shoferët dhe punonjësit e tjerë të transportit publik.Danimarka ka regjistruar 621 vdekje të lidhura me koronavirusin dhe pothuajse 15 400 raste infektimi.