Ronaldo me gola dhe rekord s’e shpëton Juventusin

TURIN, ITALY - JANUARY 06: Cristiano Ronaldo of Juventus scores penalty during the Serie A match between Juventus and Cagliari Calcio at Allianz Stadium on January 6, 2020 in Turin, Italy. (Photo by Chris Ricco/Getty Images)

23:06 | 7 Gusht 2020
A. B.

Juventusi e ka mposhtur 2-1 në sfidën e kthimit Lyonin, por për shkak të vlerës së golit mysafirë, francezët kualifikohen në çerekfinale të Ligës së Kampionëve.

Zonjën e Vjetër nuk e ndihmoi as paraqitja e mirë e Cristiano Ronaldos që shënoi dy gola dhe arriti rekord historik, duke u bërë lojtari i vetëm që shënon 37 gola në një sezon për Juventusin.

Juve kishte humbur 1-0 në sfidën e parë dhe pas pranimit të golit në shtëpi, i duhej një fitore 3-1 për t’u kualifikuar.

Ata e kërkuan, kampionët e Italisë tentuan, por nuk ia dolën të gjejnë edhe një herë rrjetën ndaj mbrojtjes së fuqishme të mysafirëve, duke i thënë lamtumirë kështu Ligës së Kampionëve.

Në çerekfinale, Lyon do të ketë punë me Manchester Cityn. /Gazeta Express/