Kreu i komunës së Gjilanit,Lutfi Haziri thotë se numri total i të prekurve nga Covid-19 në këtë komunë deri më sot ka arritur ne 340, ndërsa ai i të shëruarve në 218.

Sipas tij, komuna e Gjilanit është në pritje të rezultateve për 84 mostra, të cilat janë testuar sot.

“Dita134. Gjilani është në pritje të rezultateve për 84 mostra, të cilët e kanë bërë testin e #COVID19. Numri total i të prekurve është 340, 218 janë shëruar plotësisht, 115 janë raste aktive dhe fatkeqësisht 7 persona kanë ndërruar jetë”, ka shkruar Haziri në Facebook.

Ai, po ashtu ka njoftuar se gjatë ditës së sotme kanë ndërruar jetë dy persona, por që nuk kanë qenë të prekur nga ky virus.

“Ndërkohë, në këto orë të vona e kemi marrë lajmin për vdekjen e 2 pacientëve në Spitalin e Përgjithshëm të Gjilanit, por që kanë dalë negativë në test për COVID19. Pra, nuk bëhet fjalë për vdekje si pasojë e virusit. Iu shpreh ngushëllimet më të sinqerta familjeve për humbjen e më të dashurve të tyre”, ka njoftuar ai./arbresh.info