Selimi: Fokus diskutimi, tema e personave të pagjetur dhe bashkëpunimi ekonomik ndërmjet Kosovës dhe Serbisë

21:54 | 16 Korrik 2020
Arbresh.info

Ministri i Drejtësisë, Selim Selimi, ka thënë se fokus diskutimi në takimin e parë të rifillimit të dialogut Kosovë-Serbi ishte tema e personave të pagjetur dhe bashkëpunimi ekonomik ndërmjet dy vendeve.

Selimi përmes një shkrimi në facebook ka thënë se Kosova është e gatshme për arritjen e marrëveshjes gjithëpërfshirëse ligjërisht obliguese, që nënkupton njohjen ndërmjet dy shteteve në kufijtë ekzistues, shkruan arbresh.info.

Ai tutje ka thënë se tani është koha për të arritur progres dhe për mbylljen e çështjeve të hapura ndërmjet Kosovës dhe Serbisë.

Postimi i tij i plotë:

Si përfaqësues i Aleancës për Ardhmërinë e Kosovës, sot isha pjesë e delegacionit kosovar, të udhëhequr nga Kryeministri Hoti, në takimin e parë të rifillimit të dialogut Kosovë-Serbi, ku fokus diskutimi ishte tema e personave të pagjetur dhe bashkëpunimi ekonomik ndërmjet dy vendeve. Kosova është e gatshme për arritjen e marrëveshjes gjithëpërfshirëse ligjërisht obliguese, që nënkupton njohjen ndërmjet dy shteteve në kufijtë ekzistues. Tani është koha për të arritur progres dhe për mbylljen e çështjeve të hapura ndërmjet dy shteteve, adresimin e dëmeve të luftës dhe vendosjen e drejtësisë për viktimat!