Në Spitalin e Pejës po trajtohen 64 pacientë me coronavirus, tre prej tyre në gjendje të rëndë

09:48 | 15 Korrik 2020
Arbresh.info

Në Spitalin e Përgjithshëm në Pejë po trajtohen 64 pacientë me COVID-19.

Sipas njoftimit nga këta pacientë 41 janë të konfirmuar, dhe 23 në pritje të rezultateve.

“Nga pacientët e shtrirë 16 janë në Oksigjeno terapi, 3 pacientë janë në gjendje më të rëndë ndërsa pacientët e tjerë janë në gjendje më stabile.
Nga personeli i Spitalit 4 Mjek, 5 Infermierë dhe 1 Bioinxhinjer janë të infektuar me Covid-19, ndërsa 6 anëtar të tjerë të Personelit ton janë në pritje të rezultatit”, thuhet në njoftim.

Po ashtu në njoftim thuhet se gjatë 24 orëve të fundit 205 pacientë kanë marrë trajtim emergjent shëndetësorë̈ në Spitalin e Përgjithshëm në Pejë.

“Nga këta 14 pacientë janë shtrirë për trajtim të mëtutjeshëm. Gjatë ditës së djeshme në Spitalin e Përgjithshëm në Pejë janë kryer 3 operacione. 4 lindje kanë qenë gjatë këtij vikende, 3 lindje kanë qenë normale dhe 1 me prerje cezariane. Kanë lindur 4 foshnje, 3 të gjinisë mashkullore dhe 1 ̈e gjinisë femërore. 167 pacientë kanë kryer analiza, që në total kanë bërë 2,032 analiza”, thuhet në njoftim.