Mbrëmë pas mesnate në rrugën “Agim Ramadani në Prishtinë, ka pasur një shkëmbim zjarri mes disa personave.

Dy persona kanë mbetur plagosur. Policia e Kosovës ka për arbresh.info ka dhënë detaje rreth rastit

Zëdhënësja e policisë për Rajonin e Prishtinës, Flora Ahmeti i ka thënë arbresh.info se janë identifikuar pesë persona të përfshirë në këtë rast, katër prej tyre janë intervistuar, ndërsa i dyshuari kryesor gjendet në arrati.

“Sot në stacionin policor Qendra në Prishtinë është iniciuar një rast vrasje në tentative. Rasti ka ndodhur rreth orës 00:30, në rrugën “Agim Ramadani”, ku pas një zënke në mes të disa personave lëndime nga arma e zjarrit kanë pësuar dy persona. Policia ka identifikuar 5 personat e përfshirë në këtë rast , prej tyre katër janë intervistuar ndërsa i dyshuari kryesor aktualisht ndodhet në arrati”, ka thënë Ahmeti

Lidhur me këtë rast, sipas Ahmetit, është sekuestruar një veturë e tipit Polo si dhe një armë zjarri.

Aktualisht hetuesit policor janë duke punuar për të sqaruar të gjitha rrethanat që lidhen me rastin./arbresh.info/