Ministri i jashtëm i Shqipërisë, Gent Cakaj ka folur për vizitën e tij në Shtëpinë e Bardhë, ku ka thënë se nuk ka ndarje.

Ministri thotë se ka sjellë tre mesazhe nga Uashingtoni, se nuk ka marrëveshjes sekrete, nuk ka ndarje të Kosovës e as nuk ka nxitim për një marrëveshje të shpejtë në dëm të Kosovës, raporton portali arbresh.info.

“Në takimin me përfaqësuesin special për dialogut Kosovë – Serbi, Richard Grenell.

“Nga atje kam vetëm tre mesazhe:

“E para nuk ka marrëveshje sekrete dhe për konsum të brendshëm politik nuk ka nevojë të abuzohet për një temë të interesit nacional.

“E dyta: Nuk ka ndarje të Kosovës dhe kush i ka sytë në ballë dhe mend në kokë nuk beson që as Qeveria e Shqipërisë e askush në Kosovë nuk bën plane në llogari personale për të ndarë Kosovën, pikë. Këtë ta keni të qartë. Këtë mesazh po e sjell si mesazh nga Uashingtoni.

“E treta: Nuk ka nxitim për një marrëveshje të shpejtë në dëm të Kosovës për çfarëdo interesi elektoral në Amerikë, sepse ne duhet ta kuptojmë pozicionin që e kemi në agjendat ndërkombëtare, për shkak se koordinimi me Amerikën është jetik për ta bërë më të mirën për Kosovën”, u shpreh Cakaj./arbresh.info/