Kryetari i Komunës Haki Rugova ka pritur sot në takim Ministrin e Shëndetësisë Armend Zemaj, me të cilin biseduan lidhur me përballjen dhe sfidat e komunës së Istogut me Virusin Covid 19.

Ministri u njoftua nga afër për gjithë angazhimin që Shtabi Emergjent për Parandalimin e Virusit Covid-19 në Istog ka bërë në përballjen me pandeminë  Covic-19, shkruan Arbresh.info.

Ky është postimi i plotë i ministrit të Shëndetësisë

Istogu ishte destinacioni im i sotëm në kuadër të vizitave nëpër komuna.

Bashkë me kryetarin e komunës z.Haki Rugova biseduam për gjendjen aktuale me pandeminë COVID-19 dhe përpjekjet institucionale për menaxhimin sa më të mirë të situatës.

Kryetari Rugova më njoftoi për hapat që komuna e Istogut ka ndërmarrë në vetëdijësimin e qytetarëve, për respektimin e rekomandimeve të IKSHPK- së, në mënyrë që të parandalohet përhapja e kētij virusi.

Si ministër do të vazhdoi të jem pranë qytetarëve për ta përballuar situatën me pandeminë. Kjo është mënyra e vetme për të dëshmuar fuqinë tonë në këtë betejë.

https://www.facebook.com/zemajarmend/posts/3160011500712375