Ekipi i delegacionit të Kosovës do të kthehet sot gjatë ditës në Kosovë.

Ministri i Infrastrukturës, Arban Abrashi i cili kishte të udhëtonte drejtë Washingtonit nga Gjermania është dashur të kthehet pas lajmit se kryeministri Hoti anulon takimin në Shtëpinë e Bardhë.

Në një prononcim për portalin Arbresh.info, Abrashi tregoi se aktualisht ndodhet në Frankfurt duke pritur linjë për tu kthyer në Kosovë.

“Jam në Frankfurt. Kam qenë pjesë e delegacionit për në Washington, por pasi pamë njoftimin e kryeministri Hoti kthehet dhe  për ne duhet unitet. Po kthehemi te gjithë” tha ministri Arban Abrashi.

Abrashi tregon se arsyeja e pjesëmarrjes së tij në takimet në Washington ishte për disa projekte që i ka bërë Ministria e Infrastrukturës lidhur me hekurudha e autostrada.

“Ne si ministri i kemi përgatit projekte, që janë  5 ose 6 që lidhen me hekurudha e autostrada, por tash duhet me i pa mundësitë tjera”, tha ai për Arbresh.info.

Aktualisht kryeministri i Kosovës është duke qëndruar në Bruksel bashkë me zëvendëskryeministrin Driton Selamanaj dhe ekipin tjetër nga kabineti i tij./arbresh.info/